Bakıda Qanunsuz Dini Toplantı! Evdə Yığıncaq Təşkil Edən şəxs Saxlanıldı

Bakıda evində dini yığıncaqlar təşkil edən şəxs saxlanılıb. Qəbələ rayonunda anadan olan B.G. barəsində İnzibati Xətalar Məcəlləsinin müvafiq maddəsi ilə protokol tərtib edilib və məhkəməyə göndərilib. Məlumata görə, B.G. aylıq 500 manat müqabilində R.V. adlı şəxsi evinə nəzarətçi götürüb. R.V. evin giriş-çıxışına nəzarət edib. Onun barəsində də eyni protokol tərtib edilib. Evə baxış zamanı 280 ədəd dini ədəbiyyat aşkar edilib. Toplantıda iştirak edən şəxslər dini məzmunlu dərslərə qatılıblar. İştirakçıların sayının çoxluğu və dərslərin davamlı keçirilməsi bu toplantının adi olmadığını göstərir. Məhkəmə bu yığıncağı ictimai xarakterli, təşkil olunmuş dini toplantı kimi qiymətləndirib. B.G. və R.V. İnzibati Xətalar Məcəlləsinin müvafiq maddəsi ilə ayrı-ayrılıqda 1500 manat cərimə ediliblər. Qeyd edək ki, tədbir iştirakçıları arasında Türkiyə vətəndaşı Talha Camurcan da olub.